Til Stryn kommune Indre Nordfjord Turlag (INT) og Oppstryn Bygdeutviklingslag (OBUL) søkjer med dette om løyve til å byggje ei ny bru over elva til Nos/Bolstadsetra i Glomsdalen, Oppstryn.

Bakgrunn for søknaden

● I den tida setra var i drift, var det hengjebru over Glomsdøla ved Nos, men denne er no heilt øydelagd.

● Tilkomsten til Nos/Bolstadsetra er difor vanskeleg og utrygg. Råsa er ikkje like god på vestsida av elva, og det kan vere utrygt å gå her fordi det ofte ligg store fonner til langt ut på sommaren. Tynne snøbruer kan vere livsfarlege å passere.

● I dag har ikkje brukarane på Bolstad verken storfe eller sauer på Nos, men dersom nokon i framtida vil starte opp på nytt, er brua viktig for å kunne nytte hamnen på begge sider av elva.

● Det er mykje hjort i Glomsdalen. I samband med forvalting av hjortestammen vil ei ny bru vere svært tenleg.

● Sela på Nos står til nedfalls, men dei solide gråsteinsmurane står att. I samband med restaurering av sel vil ei ny bru gjere stor nytte.

● Dei fine gråsteinsmurane etter dei tre steinsela på Nos er ganske unikt for setrane i Stryn kommune.

● Setermiljøet på Nos/Bolstadsetra er ein viktig del av kulturhistoria. Men setra har vore svært lite besøkt i dei seinare åra på grunn av vanskeleg tilkomst.

● Det er registrert mange kulturminne i Glomsdalen som vitnar om at det vore aktivitet her langt tilbake i bronsealderen. Utgravingane i Mykjedalane på Hjelle viser at det var fastbuande som dyrka korn her for 3700 år sidan. Også i Erdalen er det gjort funn frå bronsealderen.

● På Nos er det registrert ein skålgopstein med 18 skålgoper. Steinen er kalla Huldresteinen. Skålgopene vart brukte i samband med ofring av blod, mjølk eller korn for å få lukke i jakt, lukke med buskapen eller avlinga.

● Det var truleg fastbuande på Nos før svartedauden. Segna om Torstein Nos vitnar om dette.

Tiltaket

● Bygging av ny gangbru med om lag 10 meter spenn og 0,8 meter breidde.

● Den ny brua er tenkt plassert på den same staden som den gamle hengjebrua. ● Konstruksjonen er i solid stål og bygd for å stå imot den sterke fonnvinden frå Utfalla.

● I samband med bygging av ny bru vil vi også rydde og utbetre stien på begge sider. I dag er tett skog der det før var ei tenleg rås. Mål og nytte

● Sikre trygg tilkomst til Nos/Bolstadsetra for å “blåse nytt liv” i setra.

● Binde saman beite- og jaktområda på begge sider av elva.

● Lette arbeidet med restaurering av dei gamle, verdfulle sela på Nos.

● Det er planar om å restaurere eitt av dei gamle steinsela på Nos. Dette vil bli som eit lite “museum” som fortel historia til setra.

● Leggje til rette for at allmenta kan bruke området trygt til friluftsliv og turliv.

● Ivareta og styrkje kulturlandskapet på Nos/Bolstadsetra. Organisering Indre Nordfjord Turlag (INT) og Oppstryn bygdeutviklingslag (OBUL) vil ståansvarleg for tiltaket. 

Vedlegg 5 På tur i Oppstryn

Det er starta opp eit 3-årig prosjekt i regi av Oppstryn bygdeutviklingslag (OBUL) og Indre Nordfjord Turlag (INT). Målet er å rydde, merke, skilte og publisere dei mest aktuelle turrutene i Oppstryn. Vi legg også vekt på å formidle dei rike kulturminna som er registrerte i dalane våre.

Denne info-tavla er sett opp pålå finne fram til dei ulike turmåla på veggen på Segestad. Her kan bygdefolk og turistar lett finne fram til dei ulike turmåla i Glomsdalen. 

Det er lenge sidan bøndene på Bolstad la ned seterdrifta, og i dag går det heller ikkje beitedyr på setra.

​“Påtur i Oppstryn” tek sikte på å “blåse litt liv” att i setra. Ved å byggje denne brua, vert tilkomsten mykje lettare og tryggare.

Vi har i tillegg planar om å restaurere Larsselet på Nos. Dette vil vi innreie slik som selet ein gong var. I dag står berre murane att.

Vi vil også informere om seterdrifta i gamle dagar, skålgropsteinen (Huldresteinen) og segna om Torstein Nos m.m. Det var truleg fastbuande på Nos i tida før svartedauden. 

Husk at om du sender inn tips til Strynavis kan du vinne flaxlodd . 

Tips oss på e-post : tips@strynavis.no / - eller tlf : 46215234

Les meir her om du og vil vinne flaxlodd .