I eit brev som er datert 10.11.2023 vart det søkt om tilskot til drift av toalett i Innvik i Vagstad-Bygget . 

At det skulle ta over eit år å få svar ifrå Stryn kommune må kanskje seiast å være i seinaste laget . 

Det vart fulgt opp med eit " purre brev " datert 16.oktober.2024  signert Lars Aage Hilde som er styreleiar for Vagstad AS. 

Viser til dokument frå november 2023 (2023/18603 og 2023/19214) der Vagstad AS v/Christian Hopland søkjer om økonomisk støtte til drift av toalett, og kommunen sitt svar – at det skal vurderast i samband med budsjett.

Sidan har vi ikkje høyrt noko meir frå kommunen og vil gjerne følge opp saka.

Dagleg leiar Christian Hopland anslår forsiktig i sin søknad at dekning av halvparten av driftskostnadane vil utgjere 25.000 i året. Vagstad AS sin kostnad vil i 2024 utgjere ca 45.000 i reinhald og ca 25.000 i papir, rekvisita og vedlikehald. Då er ikkje kostnader med oppvarming, vatn og avløp medrekna.

Vi har 3 toalett (M,K og HC) som er åpne for ålmenta 24/7 heile året. Vegvesenet har skilta tilkomst frå FV60.

Toaletta blir i hovudsak nytta av turistar, og sjåførar i nyttetrafikk. Dette er ein del av totaltilbodet til vegfarande i kommunen, og vi veit at tilgongen til toalett i turistsesongen er mangelfull. Vi ser det derfor som rimeleg at kommunen deltek økonomisk i drifta på lik linje med slike tilbod andre stader i Stryn.

Vi bed derfor om at søknaden blir vurdert igjen, med årlege tilskot på eit fast beløp eller 50% av dokumenterte driftskostnader.

​For Vagstad AS Lars Aage Hilde styreleiar

​​Annonse