Rundt klokka 20.00 laurdag kveld var det tid for " Allje mot Allje " i Trudvang i Oppstryn , den aller første i historien . Det var 18 påmeldte lag og kvart lag inneheldt 5-6 deltakarar . Oppsummert blir det då ca 90 personar som var samla i Trudvang til ein artig kveld . Påmeldinga var for alle og tilstades var både små og store . 

Konferansierane Per Jakob Tunold og Stig Skåre losa dei 18 påmeldte laga og deltakarane gjennom dei forskjellige konkurransane med stø hand . Ein kan nevne mykje og mangt om konkurransane , men f.eks kor lang tid Frank Sanches Guddal ville bruke å gå til Segestad BAKLENGS var no godt påkjeme . Det rette svaret kan du forøvrig lese lenger nede . 

For dei som har sett " Alle mot Alle " på NRK1 bestod konseptet på sett og vis ein del av det vi har sett på tv . Men eg vil og sei at noko hadde vi kanskje aldri komt på sjølve , soleis ein stor blomst og bukett til Oppstryn Ungdomslag for kreativiteten for eit slikt konsept . 

Litt etter klokka 23.00 på kvelden kunne ein avsløre vinnararane / vinnarlaget . Det var lag nr 4 som bestod av både store og små ( sjå bilde under )  .

Video og redigering  : Reidar Nesje / - www.strynavis.no