04.november.2021 handsama formannskapet i Stryn søknaden ifrå Videseter hotell om løyve til å krevje bompengeavgift for veg til Videseter hotell . Søknaden ifrå Videseter hotell / v Per garen var datert 20 og 21 juli 2021 . 

Formannskapet vedtok tilrådinga der søknad om å krevje bompengeavgift ikkje vart godkjent . Den klaga Videseter hotell på gjennom sin advokat . 

No har altså formannskapet handsama klagen på vedtaket som vart gjort i november , men igjen vart søknaden ikkje godkjent ifrå formannskapet og Stryn kommune si side . 

​I advokat Frostad sitt skriv datert 22. september 2021, avsnitt «Om bestemmelser i vegloven § 56», er det sagt at kommunen er gjeve mynde til å gje løyve til, og til å fastsetje avgift for å ha kontroll med grunneigar slik at det ikkje vert «monopol» på bruk av privat veg. Advokat Frostad held fram at kommunen skal prøve om det er rimeleg å krevje bompengeavgift på vegstrekninga, og ei prøving av bompengestatsane. Advokat Frostad seier vidare at «veiholder har klart full anledning til å krevje et vederlag som overstiger drifts- og kapitalkostnader, og altså gir et overskudd eller en profitt». 

​Veglova § 56 fyrste ledd, andre setning er rimeleg klar i høve til storleiken på avgifta. «Kommunen skal òg fastette storleiken på avgifta og kan sette vilkår om bestemt bruk av avgiftsmidlane». Når det i lovteksten er skreve SKAL, tolkar kommunen det ikkje berre skal gjerast ei prøving av bompengesatsane, men og at desse skal være i samsvar med utgiftene. Vegfarande skal såleis ikkje være ei «mjølkeku» for private vegeigarar.

Søknad om løyve til å krevje bompengeavgift ved Videseter hotell - ny handsaming

Bakgrunn for saka:

Videseter Hotell v/ Per Garen søkte i e-post datert 20. og 21. juli 2021 om løyve til å krevje bompengeavgift for veg til Videseter hotell.

Stryn kommune handsama i FO-sak 172/21 i møte 04.11.2021 søknaden frå Videseter hotell. Formannskapet vedtok tilrådinga der søknad om å krevje bompengeavgift ikkje vart godkjend.

I brev frå AdvokatCompagniet DA v/ advokat Invar Frostad vart det klaga på kommunen si handsaming av søknaden. Grunngjeving for klagen er at advokat Invar Frostad sitt skriv datert 22. september 2021 ikkje var ein del av saka til Formannskapet i møte den 4. november 2021. Årsak til at advokat Invar Frostad sitt skriv ikkje låg ved, er at skrivet kom kommunen i hende etter at saka var ferdigstilt frå administrasjonen.

AdvokatCompagniet DA v/ advokat Ingvar Frostad bed kommune handsame søknaden på nytt med dei opplysningane som kjem fram i advokat Frostad sitt skriv av 22. september 2021, og nytt skriv av 18. november 2021. Administrasjonen finn grunn til å legge saka fram for Formannskapet på nytt.

Kommunedirektøren sitt framlegg til vedtak:

Søknad om løyve til å krevje bompengeavgift på veg ved Videseter hotell vert ikkje godkjend.

Formannskapet 10.02.2022:

Handsaming:

Kommunedirektøren sitt framlegg samrøsytes vedteke.

FO- 012/22 Vedtak:

Søknad om løyve til å krevje bompengeavgift på veg ved Videseter hotell vert ikkje godkjend.