Fikk løyve til flytebrygge med kommunen - No er løyvet trekt attende

Annonse

Det var her i strandsona dei ville bygge flytebrygge og fikk dispensasjon , no gjeld ikkje dispensasjonen lenger . Foto : Reidar Nesje / Strynavis

Jostedalsbreen Nasjonalparksenter ville bygge flytebrygge for allmennheita - No har dei ikkje lenger løyve

Nyheiter
Publisert :
11.09.2022 13:30
Av Reidar Nesje

Del hendinga på facebook med del knappen :

- Hadde dispensasjons løyve ut september 2021

I sak TS-056/21, datert 07.06.21, fatta sektorutval for tekniske saker følgjande vedtak: Sektorutval for tekniske saker gjev medhald i klage på administrativt vedtak i sak 20/1726-3 datert 26.04.21. Utvalet ser positivt på tiltaket då det følgjer reguleringsplanen som seier at det omsøkte vassdraget er sett av til fiske/badeområde, og at flytebrygga kan nyttast fritt av alle. Tiltaket blir sett på som eit lite inngripande tiltak. Utvalet gjev tidsavgrensa dispensasjon ut september 2021 for å kartlegge tilgjenglegheita for ålmenta.

- Svaret i år ifrå Stryn Kommune 06.09.2022

Stiftelsen Jostedalsbreen nasjonalparksenter har ikkje lagt fram opplysingar/dokumentasjon på at tilgjengelegheita for ålmenta er kartlagt. Den tidsavgrensa dispensasjonen gjeld difor ikkje lenger, og det inneber at Jostedalsbreen nasjonalparksenter ikkje har løyve til plassering av flytebrygge i vatnet ved gbnr. 30/7.

- Ville fremje fysisk aktivitet

I søknaden til Stryn Kommune ifrå Jostedalsbreen Nasjonalparksenter vart det mellom anna peika på fysisk aktivitet : Dette tiltaket skal sjåast i samanheng med andre naturopplevingar i nærområdet. Vi ønskjer å fremje fysisk aktivitet og bidra til auka verdiskaping og ser at ein slik badeplass med flytebrygge kan bidra til meir aktivitet i bygda som igjen kan skape gode bu – og oppvekstmiljø. Som nemnt i Kommunedelplanen for Oppstryn ser Stryn kommune det som viktig å styrke grunnlaget for Jostedalsbreen nasjonalparksenter, og vi ser at ein slik aktivitet vil bidra positivt til dette. JNPS er ein synleg og høgt verdsatt ressurs, både for kommune, lokalt reiseliv og bygda Oppstryn.

No ser det altso ut som at den planlagte flytebrygga ikkje blir noko av , om ikkje Stryn Kommune vil snu og gi medhald i klagen ifrå JNP ( Jostedalsbreen Nasjonalparksenter ) .

- Slik er brygga

Det er ein slik type flytebrygge som ligg utanfor strandsona til nasjonalparksenteret dei no ikkje lenger har dispensasjon og løyve til . Foto : Døme på flytebrygge som Jostedalsbreen Nasjonalparksenter sendte inn til Stryn Kommune

Brygga ligg forankra med 2 anker og 2 landfeste . Ca 145 meter ifrå elveløpet . Brygga er 2 x 3,5 meter . Foto : Skjermdump ifrå Jostedalsbreen Nasjonalparksenter si plantegning , innsendt til Stryn Kommune

- Oppstryn

Jostedalsbreen Nasjonalparksenter ligg idyllisk til i Oppstryn . Her ser vi eit dronebilde tatt ifrå eit tidligare år og senteret ser vi i høgre bildekant .

Foto : Reidar Nesje / - Strynavis

Kart