Buda AS, Joker Hjelledalen org. 957 568 084, ved dagleg leiar Gunn Sørum, fekk løyve til sal av alokohol gruppe l med teknologien RMA-butikkstyring gjennom vedtak i kommunestyret 23.11.2023. Løyvet gjaldt også i tida butikken ikkje har personale fysisk tilstades. Løyvet gjaldt som ei prøveordning til 30. september 2024, innan den tid skulle løysninga evaluerast.

Stryn kommune ønskjer ei evaluering frå innehavar, slik at vi kan bli betre kjent med korleis denne løysninga har fungert. Vi ynskjer svar på følgjande:

• Har de opplevd personar som har nytta RMA ved kjøp av alkohol, der de har hatt mistanke om rus? Korleis har dette i så fall vorte handtert?
•Har de gjort dykk erfaringar undervegs som har ført til endra rutinar? I så fall kva for rutinar?
• Er det forhold eller erfaringar de har gjort dykk med RMA som de ønskjer at kommunen er særleg merksame på?
• Korleis vil de generelt vurdere ordninga med RMA til sal av alkohol?
​• Ønskjer de framleis å ha moglegheita for sal av alkohol med RMA også etter prøveperioden? Dersom nei, kvifor ikkje? Denne evalueringa vil leggje grunnlag for avgjerd om endeleg løyve for alkoholsal med RMA dersom de ønskjer å halde fram med ordninga etter prøveperioden. 

Svar på spørsmål i brevet.

• Vi har ikkje opplevd personar som har nytta RMA ved kjøp av alkohol der vi har hatt mistanke om rus.
• Vi har ikkje endra på noko av dei planlagde rutinane i henhold til salg av alkohol.
• Har kun positive erfaringar når det gjeld RMA og salg av alkohol.
• Ordninga med RMA og salg av alkohol generelt fungerar veldig bra.
• Vi ønskjer å fortsette etter prøveordninga, med salg av alkohol med RMA.

I tillegg til spørsmåla i brevet vil eg gjerne utdjupe litt korleis RMA og salg av alkohol har fungert fram til no.

RMA systemet har fungert som forventa, veldig bra. Det har ikkje oppstått noko form for uheldige situasjonar.

Eg kan ikkje sjå at det er noko problemstilling i det heile. Alle produkt med alkohol er plassert i egne kjøterar med magnetlåsar og wifi.

Ein legg inn salstidene for alkohol i RMA systemet. Alkoholskåpa er opne i lovpålagt salstid, og utenom denne tida er alkoholskåpa låst. Kundane har ingen tilgang.

Det er rimeleg enkelt, og eit godt system. Om ein skal saman ligne RMA systemet med slik det var før, så er det uten tvil mykje sikrare no i henhold til alkoholsalg, og sjølvsagt generelt.

Det er eit høgteknologisk system som er godt utvikla, og pr. no i bruk i over 70 butikkar.

I sommarsesongen er her betjening i heile salsperioden.

Med vennleg helsing Gunn Sørum

Joker Hjelledalen

​BUDA A/S