Varslaren beskyldar mellom anna grunneigaren  i eit brev til Stryn kommune , :

​" det blir det hevda at det blir utført omfattande brenning av bygningsavfall. Dette skal vere utført fleire gongar i året, og med store bål. Å brenne slikt avfall er ikkje tillat. " 

I eit brev datert 13.juli til grunneigaren som Stryn kommune meinar driv omfattande bålbrenning ber dei han redegjere for dei påstandane slik at kommunen vurdere vidare saksgang og eventuelt reaksjonar . 

Svaret ifrå grunneigaren datert 26.juli er som følgande : 

Viser til motteke brev, 11.mai brende eg vindfall, dette vart ei godt synleg bål og har forståing kvifor folk regerte. Hadde ein god prat med ** som kom opp, og melde frå til 110. Sjå vedlegg . 

Vi har brent bål på garden ifb med vedlikehald og dyrking samt rydding ifb med rassikringsprosjektet, men i mi oppfatning har eg ikkje drive med "omfattande brenning av bygningsavfall, dette skal ha skjedd fleire gongar i året over lengre tid"

​Eg ber difor om kopi av brev/dokumentasjon de har fått inn slik at eg har eit grunnlag for å uttale meg. 

Viser til brev til kommunen den 27. juli 2022 om melding om brenning av bygningsavfall på eigedom med gbnr. **.

Kommunen ba i brev den 13. juli om ei skriftleg tilbakemelding på meldinga om avfallsbrenning. Grunneigar ba så i brev den 27. juli om kopi av innsendt brev/dokumentasjon, for å ha eit betre grunnlag til å gje ei uttale. På grunn av ferieavvikling m.m. i sommar og haust blei ikkje dette følgd opp.

Varselbrevet blir ikkje vidaresendt i si heilheit, men innsendaren beskriv at det har vore observert omfattande brenning av avfall på eigedomen fleire gonger i året over lengre tid. I år blei det observert brenning av bygningsavfall saman med hogstavfall rett ovanfor lundeplassen langs skogsvegen, og det same skal ha skjedd aust for Solida langs same skogsveg i fjor. Bålplass med bygningsavfall er dokumentert med fleire bilde. Sjå vedlegg.

​Av omsyn til ønsket om dokumentasjon er det sett ny frist for tilbakemelding: 21.10.2022. 

I eit brev datert 21.oktober skriv grunneigaren følgande til Stryn kommune : 

De sender ved fleire bilder av tilsynelatande same tilfellet med avfall. Bileta viser ikkje bål, kan heller ikkje sjå at bilete er datofesta.

Frå min lokalkunnskap kan det sjå ut som dette ligg på felles grunn i Veslebygda og kan ikkje utan vidare knyttast til grunneigar av bruk **.

Stryn kommune grunngjev heller ikkje kvifor varselbrevet ikkje føl med saka, ynskjer framleis dette tilsendt for å kunne ta stilling til påstandene om "omfattande brenning av bygningsavfall, dette skal ha skjedd fleire gongar i året over lengre tid» .

Stiller gjerne til eit møte saman med varsler og Stryn kommune for å få klarheit i påstandane.