Det har pågått i kulissane ein kamp om stadsnamnet Guddal skal skiftast til Gutdal . Fleire historikarar som er ekspertar på faget stridast og om kva som er det rette namnet etter gammalt . Statens kartverk har meir eller mindre bestemt seg for Gutdal og Stryn kommune har meir eller mindre gjett opp den kampen . 

Ei som ikkje har gjett opp er Vivian Guddal som har stått på i den striden her , og er født og oppvaksen i Guddal . Ho vil for all del ikkje at det skal skiftast til Gutdal og viser til kart som der og skrivast Guddal . 

I eit brev til Stryn kommune klagar ho på vedtaket om namneendring til Gutdal og skriv følgande : 

Hei

Som grunneigar og drivar av 14/5 i Guddal i Stryn kommune forventar eg at det blir ny gjennomgang i namnesaka Guddal . 

Etter å ha studert kart med " lupe " viser det seg at statens kartverk har snikinnført stadnamnet " Gutdal " . 

Eg legger ved kart som viser dette . Kvar " Gutdal " ligg helst veit ikkje eg ? !

Guddal derimot er staden eg som drivande bonde driv og har sjølv drive dei siste 10 åra . Foreldra mine før det . 

( Her i Guddal er det no 2 stk bruk i full produksjon / drift !  ) 

Eg har i alle desse åra søkt produksjonstilskot med søknader sendt landbrukstdirektoratet . 
Grunnopplysningane mine der er Vivian Guddal , adresse Guddal , 6798 Hjelledalen . 
Der må ein også teikne inn driftssenter som ligg i Guddal . 

De / Stryn kommune og statens kartverk kan ikkje påberope dykk at saka er godt nok belyst til å være avslutta 13/10 - 2023 , med klagefrist fram til 8/11 - 2023 .

Eg fekk aldri tilsendt i posten dette brevet ! Eg fekk det tilfeldigvis i hende då eg var ned på teknisk avd i Stryn kommune i samband med ei anna sak ! 

Retur / ukjent adresse står det på konvolutten !!

Eit anna moment med denne surrete saka er at bebuarane i Guddal har i God Tru trudd det var gateadressa det har vore snakk om i alle desse åra som er brukt på denne saka . 

Vi trudde aldri de skulle ta frå oss STADNAVNET VÅRT GUDDAL . 

Vi viser til vårt tradisjonelle stadnamn på garden vi bur på Guddal og at kommunen viser respekt for og ivaretek vår tradisjonelle namnebruk . 

Her er i Stryn kommune ingen andre plassar som heiter Guddal eller Guddalsvegen . Ved utrykning ifrå Stryn vil eg ikkje tru dei landar i Fjaler . 

Eg viser så / også til den uttala / skrivet eg sende dykk då saka vart publisert for oss i 2020 eller i 2021 . 

Av ein eller anna merkeleg grunn oversåg de glatt at GUDDAL er stadnamnet vårt og gardane som ligg her og er i full drift !

Eg presiserte at staden heiter Guddal med 2 stk D `ar , Guddal , ikkje med 1 stk D - Gudal , ikkje Gutdal ? Men GUDDAL .

De kan ikkje i dagens samfunn gå tilbake til førhistorisk tid då vi låg under Bergen Amt . 

Eg ber med dette Stryn kommune gjenopne namnesaka Guddal . 

Mvh , Vivian Guddal .