Torsdag 02.september var underteikna , Reidar Nesje , og storebror Oddbjørn Nesje på reinsdyrjakt i Skjåk . Vi gjekk opp ved Heillstuguvatnet som ligg ved Gamle Strynefjellsvegen  og tok turen til " Måradalsbenkjene " som gir oss god oversikt inn til Måradalen for å sjå etter reinsdyr . 

Vi såg ingen reinsdyr på turen , men vi skulle få sjå eit heilt anna dyr som ein sjeldan ser eller kjem over . Plutselig bryt min bror inn at han ser ein jerv , ikkje langt ifrå oss . Eg kunne ikkje sjå den mens min bror prøvde å forklare kvar den stod , so såg eg den . Eit beist av ein jerv som " vimsa " på ein kul som berre ein jerv kan . Tøft tenkte eg , og etter ein 5 sekund underhaldande sekvens vart den vekk . 

Vi gjekk vidare og hadde oss ein pause der vi åt litt mat og speida etter rein , ovanfor Åfottjønnane som ligg lenger aust for Måradalen . Etter at klokka tikka meir imot 1900 og vi ikkje hadde sett nokon reinsdyr var det påtide å kunne gå nedigjen til lavlandet ifrå høgda . 

Det var nedanfor nevnte Åfottjønnane som ligg på rundt 1277 moh vi skulle få sjå jerven igjen , og ikkje berre 1 jerv , men 2 jervar . Først dukka det opp ein liten jerv som var ganske lys og ikkje heilt enkelt å få auge på . Eg vil anta at avstanden til jerven ifrå der vi stod var kanskje 60-70 meter . Den forsvant ganske kjapt imot aust , men synet var ganske spennande i seg sjølv . 

Rundt 2 min etter den lyse jerven forsvant var det nesten som eg skvatt når eg såg den store svarte jerven stod i råsa nedanfor Åfottjønnane . Den var so stor som ein fullvaksen hond og ein god del større enn den første . Det vart ein liten mobil sekvens for å filme beistet som tilsynelatande ikkje hadde sett eller oppdaga oss der vi stod . Sjå filmen under . 

Sjå video her - Trykk midt i bildet for å starte videoen