Eg møter Jo i døråpninga ved huset sitt på Flo , " du må kome inn " seie han . 

Vi går so ut på verandaen hans der han har god utsikt ned imot vatnet der det utspant seg eit drama fredag ettermiddag og der han måtte handle resolutt for å berge liv . 

" Du må fortellje kva som skjedde " seie eg til Jo . Han set seg i stolen på verandaen og speida ut i lufta for å kunne ta innover seg dei tankane og minnene som han har med seg ifrå det som skjedde dagen før . 

Han fortel at han speida etter krusningar , eller stor fisk som hoppar på Oppstrynsvatnet , noko som har blitt sjeldnare og sjeldnare etterkvart som åra går . So vart han oppmerksom på ein kayak som låg rundt 150-200 meter ifrå land , men tenkte ikkje noko stort meir på det etterkvart som han sveipa blikket vidare imot vatnet både aust og vest . 

Kort tid etter vart han igjen oppmerksom på kayaken , men no var det noko som ikkje stemte . Kona Torhild som sat ved siden av meinte ho og høyrde skrik ifrå vatnet . Han tok kikarten og kikra ned imot kayaken og der såg han 2 personar i vatnet og årane ifrå kayaken låg og flaut vekke ifrå kayaken . Han forstod dei trengde hjelp . 

Han heiv seg resolutt i bilen og kjøyrde det han kunne på ein bratt skogsveg som igrunn ikkje egnar seg for bilar , men det her var eit nødstilfelle og det var handling på autopilot . 

Nede ved naustet sitt på Flo hadde han ikkje tid til å få ut båten sin , for her var ein nødt til å handle kjapt forstod han . 

Båten som låg fartøyd ved naustet var nokon kjenningar av Jo som leigar båtplass ved naustet . I den situasjonen han var i var han nøydt til å låne båten , for her stod det kanskje om minutt og sekund . 

Etter å ha fått løyst båten fekk han start ganske kjapt på motoren og sette kursen rett imot dei 2 som låg ut i vatnet og trengde hjelp . 

Dei 2 låg og klamra seg til kayaken som dei hadde ramla utav . Jo Flo fortel at han tok tak i redningsvesten den eine hadde på seg og treiv han ombord . Han fortel at vedkommande var kraftig nedkjølt og hadde eit blikk som tilsa at her var det ikkje lenge omågjere før vedkommande hadde segna om . 

Han tok tak i den andre personen og fekk han også ombord i båten . Mens han fekk tak i kameraten såg den første av dei som låg i båten ganske forkomen ut . Han prøvde å kommunisere med dei 2 som var av utenlandsk opphav men begge 2 var so nedkjølte at dei mumla meir eller mindre noko på sitt eige språk . 

Når dei kom iland fekk han vrengt av kleda på den som var kraftigast nedkjølt og prøvde å få varme i han . 

Jo fortel at då kom der fleire til som ville hjelpe , og ein av dei sa til Jo at han hadde gjort nok og dei kunne ta over her . 

Laurdag ettermiddag , under 24 timar etter at han redda opp dei 2 utenlandske turistane , fekk han besøk av dei han redda opp samt reisefølget dei 2 var i . 

Dei takka naturligvis Jo for at han redda dei , og Jo fortel at dei sjølve seier at om dei hadde vært i vatnet i 5 minutt lenger ville dei ikkje ha overlevd trur dei . 

Jo reflekterar over hendinga og seier at dei hadde flaks at det gjekk vel med dei . Om ikkje han hadde høyrt og sett dei når han gjorde so kunne utfallet blitt noko heilt anna .