I eit brev til Stryn Kommune , datert 15.oktober.2021 , ber dei om at kommunen ikkje godkjenner ei mast som er tiltenkt oppsatt ved Visnes bru . 

Det er Fagre Stryn Bensinstasjon AS ( YX i Stryn ) som har søkt om godkjenning om å setje opp mast i enden av brua . Tidligare i sommar fekk bensinstasjonen grønt lys for å setje opp ladestasjon til elbil samt ein trafostasjon i nærleiken av der masta står idag . Det er i samband med dei nye planane at noverande mast må flyttast til eit nytt område for å gjere plass til tiltenkt ladestasjon , noko som har gitt grunn til bekymring for naboar og no Gamlebruas Venner . 

Gamlebruas Venner skriv følgande i eit skriv til Stryn Kommune : 

Flytting av informasjonsmast - Fagre Stryn Bensinstasjon AS .

Vi er gjort kjent med at det er søkt om flytting av informasjonsmast til nordaustleg del av eigdomen, like ved den sørlege enden av Visnes bru.
Det same vart søkt om i 2011. Gamle bruas Venner frårådde den gongen tiltaket, jfr. vart brev av 24. juni 2011. Søknaden vart avslegen av dåverande bygningsråd.

Gjennom dei 10 åra som har gått sidan førre søknad har fokuset på vern av det særeigne miljøet i Bruagrenda blitt forsterka. Likeeins fokuset på uønska lysforureining i sårbare miljø. Vi vil hevde at konsekvensen av plassering av masta, som omsøkt, i sterk grad vil forringe opplevinga av elva og miljøet rundt, på grunn av den sterke lyseffekten frå masta.

Vi viser til Vestland Fylkeskommune sitt notat datert 7. juni 2021 (Kulturminnefagleg innspel områderegulering Stryn sentrum) der ein anbefaler å utvide omsynssona i Bruagrenda for betre å verne eit unikt kulturmiljø.

Gamlebruas Venner ber om at søknaden frå Fagre Stryn Bensinstasjon AS vert avslegen.

​Med helsing Gamlebruas Venner